Mungu Na Shetani

Ndugu yangu sikia nasema kwa makini,

Habari hii kuu ya ufalme wa Mungu

Inasikika sana, sasa imeenea,

Lakini sio wengi, wanaoiamini

Ukizipata shida, walaumulaumu,

Ndugu na majirani, wadhani umelogwa

Unaanza ugomvi, wachukia wengine,

Hata bila sababu wawaita wachawi

Waomba mara moja, ukikosa majibu,

Kesho inapofika waenda kwa mganga

Ngoja nikueleze, Mungu hana haraka,

Jifunze vumilia majibu utapata

Jifikirie ndugu, usingoje ya kesho,

Muda ni wako sasa, amua ukubali

Mengi tumeyasema, ilobaki ni kwako,

Uchague mwenyewe, Mungu au shetani